Mwin la antann in pé vagman kossa demoune la di mé mwin la pa ékoute toute kozman, par pèr d’ fatig mon tète. Mé kan i poz in késtyon konmsa mwin lé a d’mandé si na poin d’ote késtyon k’i vien avan. Par égzanpe kossa i apèl lintéré La Rényon épi bann rényoné épizapré i fo poz la késtyon si la Réjyon néna lo pouvoir k’i fo pou défann lintéré noute péi… Pou mwin la réponss sé in non katégorik. Zot i rapèl lo tan in pé rante nou téi rovandik lotonomi, osinonsa in sèl lassanblé avèk lo bann (…)