Lakey lo sit > Chroniques > Oté
« La vyèrz noir, li la dépoz son zoutiye ! »
In kozman pou la route
lindi 29 avril 2024, sanm
Koz èk mwin sé koz èk in kouyon, mé sé o pyé d’lo mir k’i oi lo masson.
Mézami, dann inn vi d’travaye néna déssèrtin moune lé kontan, d’ote lé pa kontan é an parmi sak lé pa kontan néna i sava ziska dépoz zot zoutiye la vyèrz noir konm in promèss zamé pi ansèrv ali.
Mi rapèl in zour nou té apré distribyé trak pou plantèr é ni trouv in moune é moune-la i di anou, mwin la koupe kann toute in vi é astèr mi koupe ar pi ali. Mon zoutiye mwin la dépoz la vyèrz noir. Divé la tro fatig amwin san konté lo shyass de propriyétèr.
Sa sé in n’afèr la étone amwin bien pars néna dé shoz a fèr avèk zoutiye mèm si wi koupe pi kann, mé lo boug té si tèlman déterminé mwin la pa di ali arien pars i fo li la soufèr pou fé in n’afèr konmsa.
Alé ! Mi kite azot rofléshi la dsi é ni artrouv pli d’van, sipétadyé.
Justin
