Mariages et concubinages (art 6 à 8 du code de 1723)

Il est formellement interdit aux Blancs et Blanches d’épouser des Noirs de l’autre sexe et les contrevenants risquent des punitions ainsi qu’une amende fixée par le juge. Ces mariages étant interdits, les « curés, prêtres et missionnaires, même les aumôniers de vaisseau », ne devront pas les célébrer. Il est également défendu aux Blancs, ainsi qu’aux Noirs affranchis ou nés libres, de vivre en concubinage avec des esclaves. Ceux qui ont eu un ou plusieurs enfants nés de « cette conjonction » (expression extraite du Code noir) peuvent être condamnés à une amende de 300 livres par enfant. Même le maître dont l’esclave vit en concubinage avec un autre libre risque la même condamnation. Le maître qui a eu des enfants avec son esclave encourt une amende ainsi que la confiscation, au profit des hôpitaux, de leur esclave et de son (ou ses) enfant(s), lesquels ne peuvent plus prétendre à l’avenir à bénéficier d’une mesure d’affranchissement. Toutefois, pour les Noirs libres, cette sanction peut être effacée par mariage.
Les esclaves peuvent être unis par les liens du mariage. Toutefois (alors qu’à l’époque, l’autorisation des parents est requise en vue de la célébration du mariage), s’il s’agit d’esclaves, c’est le consentement du maître qui est nécessaire. (Art 7 du code de 1723). Hors cette formalité substantielle, aucun prêtre ne pourra célébrer le mariage (Art 8). Le maître ne pourra pas non plus marier de force son ou ses esclaves (Art 8).

Le statut des enfants (art 9 et 10 du Code)

Le statut de l’enfant suit celui de sa mère même si les naissances sont survenues au cours du mariage. Si l’épouse est libre, ses enfants sont de condition libre même si le père est esclave. Si l’épouse est esclave, les enfants sont de condition servile. Le principe appliqué est le suivant : « Les enfants tant mâles que filles suivent la condition de leur mère », qu’importe que les parents soient mariés ou vivent en concubinage.

L’inhumation des esclaves décédés (article 11)

Les esclaves décédés doivent être inhumés dans un cimetière, s’ils ont été baptisés. S’ils n’ont pas été baptisés, ils sont enterrés de nuit dans un champ voisin de l’endroit où ils sont morts. Il est bien évident que la deuxième solution emporte moins de dépenses en argent et en temps.

IV - Méfiance des esclavagistes

La société coloniale semble avoir vécu avec la crainte constante d’une possible révolte des esclaves. Ainsi, le Code noir établit-il des dispositions particulières concernant les esclaves, pour prévenir tout acte de violence en direction des maîtres et de leur famille.

Interdiction de port d’armes par destination (art 12 du Code de 1723)

L’esclave ne doit pas être en possession d’une arme offensive ; ou d’un gros bâton. Il encourt une peine de fouet. L’arme est saisie et attribuée à celui qui l’a saisie. Toutefois, l’esclave peut, à la demande de son maître, porter des armes pour aller à la chasse. Dans ce cas, il lui appartient de le prouver par la production d’un document de son maître ou autrement.

Interdiction des attroupements (art 13 et 14 du Code de 1723)

Les esclaves d’un ou plusieurs maîtres ne doivent pas se regrouper de jour comme de nuit sur une propriété ou dans les endroits isolés sous prétexte de noces ou autres. Les sanctions sont sévères : fouet, marquage au fer rouge, ou en cas de récidive, même la condamnation à la peine de mort par les tribunaux. Les maîtres trop laxistes qui n’ont pas empêché de telles réunions encourent également l’obligation de réparer les dommages causés à d’autres propriétaires lors de ces rassemblements ainsi qu’à une amende de 30 livres, et de 60 en cas de récidive.

G. Gauvin

(... à suivre)

Lavé in foi... lo kod noir - Troizièm morso

III - Mariaz ofisièl é mariaz déyèr la kuizine

Zordi ni sava oir bann mariaz épi bann konkibinaz rant bann lib, blan ou sinonsa noir, épi bann zésklav. Ni sava oir si lé possib, si lé pa possib, kossa bann moun lé riskab an avoir konm pinision. Nou va oir galman si bann zanfan i éné lib sansa zésklav. Nou va di dé pti mo déssi lantèrman zésklav. Bien sir, sa sé lo tèks do loi, soman ni koné lo tèks souvan dé foi té i aplik pa, sirtou kan té pou mète in pé l’imanité dann la vi bann zésklav. In problèm i tourn dann mon tèt dépi lontan, sé sèt-la : ousa la antèr bann kantité zésklav lé mor La Rénion dépi komansman lésklavaz ziska son l’abolision ? Zordi ankor, na dmoun i rode ousa i lé bann simitir zésklav é zot la pankor trouv gran shoz.

Mariaz ofisièl épi mariaz déyèr la kuizine (art 6 à 8 lo kod 1723)

Bann blan, fam konm zonm, na poin lo droi marié sanm bann noir, lib konm zésklav. Sak i réspèk pa loi-là lé riskab ète pini épi pèy l’amann, tribinal va désidé. Konm lo mariaz lé défandi, lé défandi galman pou bann prète fé lo sérémoni : zot lé riskab ète kondané pou sa. Donk mariaz ofisièl lé défandi, mé marié déyèr la kuizine galman rant bann lib épi bann zésklav. Si demoun i gingn zanfan dann ka-là, zot lé riskab ète kondané pèy in for l’amann... mèm la loi i pé pran lo zésklav èk lo zanfan pou donn sa l’opital. Pli pir, banna i pé pi zamé ète afranshi... Solman si bann noir lib i vé marié, lo mariaz va kass lo kondansion.
Déssi la késtionn’mariaz, ni koné bann zésklav nana lo droi marié, soman i fo lo mètr i donn son lotorizasion ; la pa bézoin lotorizasion son papa èk son momon (art 7 lokod 1723). Si na poin, in prèt na poin lo droi fé lo mariaz. Dann kod-là i di galman lo mètr i pé pa fors son zésklav pou marié si sète-la i vé pa (art 8).

La kondision bann zanfan (art 9 é 10 lo kod 1723)

Lo zanfan i suiv son momon. Si lo momon lé lib, lo bann zanfan lé lib, mèm si lo papa lé z’ésklav. Kan lo momon lé zésklav, bann zanfan lé zésklav, mèm si lo papa lé lib. Lé vré mèm si bann zanfan lé éné pandan lo tan lo mariaz. "Bann zanfan, bann garson konm bann fiy, i suiv kondision z’ot momon", kisoi dann mariaz ofisièl, kisoi dann mariaz déyèr la kuizine.

L’antèrman bann zésklav mor (art 11)

Si in zésklav batizé i mor, i fo antèr ali dann simitir épi fé in vré l’antèrman. Si in zésklav lé pa batizé, i antèr ali la nuit dann in karo pa tro loin l’androi li lé mor. Ni oi lo dézièm ka i fé pèrd moin lo tan é moin larzan. In bon pé mètr lé riskab ète tanté.

IV- Méfians bann z’ésclavazis

Bann la sosiété kolonial lavé pèr bann zésklav té i vanz kont z’ot loi. Sé pou rézon lo kod noir i désid pran bann mézir pou anpèsh bann zésklav tiliz la violans kont bann blan.

Lé défandi pou in z’ésklav manié lé z’arm (art 12 lo kod 1723)

In zésklav lé intèrdi an avoir lé z’arm, sansa in bèl baton, li lé riskab ansèrv pou tap in mètr ansanm. Si i trap in zésklav avèk lé z’arm, li pé gingn koud shabouk, i pé mèm mark ali avèk in fèr rouz. Si li arkomans, la pinision lé pli for, i pé mèm kondane ali a mor. Lo z’arm i sava avèk la pèrsone la karsèr lo z’ésklav. Solman, si lo zésklav i gingn fé la prèv son mètr la donn ali lé z’arm pou alé la shas, i fé pa li arien.

Bann rasanbléman zésklav lé intèrdi (art 13 et 14 du code de 1723)

Bann rasanbléman zésklav lé intèrdi, lo zour konm la nuite, déssi la tèr in blan, konm dann in gafourn, pou fé la fète sinonsa fé d’ot z’afèr. Zot lé riskab an avoir in pinision sérié si i trap azot : koud shabouk, la mark èk fèr rouz . Si zot i arkomans i bon pé foi, tribinal i pé mèm kondane azot a mor. Si in mètr lé tro koul avèk bann rasanbléman zésklav, i pé fé pèy ali in l’amann ; trant liv in promié foi, soisant liv si i arkomans. Donk si nana la résidiv.

G. Gauvin

La pankor fini, la suit mardi proshin...