VIII- Les affranchissements d’esclaves.

Cette faculté est ouverte par l’article 55 du code de 1685 et 50 du code de 1723 : le premier texte est plus souple que le second. Le code de 1685 ouvre cette possibilité pour les mineurs de vingt ans sans qu’ils ne soient tenus de justifier leur décision, sans qu’ils aient à solliciter l’avis de leurs parents. Par contre le code de 1723, limite la dite faculté aux maîtres âgés de vingt-cinq ans et soumet la décision au conseil supérieur de la compagnie des Indes. Hors un arrêt favorable de la compagnie des indes, l’esclave ne peut pas être considéré comme libre. Le maître s’expose à la sanction de se voir confisquer sa main-d’oeuvre servile.

Le motif légitime d’affranchissement.

Comme on vient de voir ci-dessus, il appartient au conseil supérieur (code de 1723) de vérifier la légitimité du motif d’affranchissement, toutefois, le code noir lui-même énonce certains motifs légitimes. Pour l’Art 56/code de 1685, l’esclave qui sera fait par son maître légataire universel de ses biens sera réputé affranchi. Il en va de même si l’esclave a été désigné exécuteur testamentaire ou s’il s’est vu confier la tutelle sur les enfants mineurs. Sur ce point, le code de 1723 est plus limitatif puisqu’il n’est plus fait état de legs universel, ou encore d’exécution testamentaire ; ne reste que la tutelle sur enfants mineurs confiée par un maître à un de ses esclaves.

Conséquences de l’affranchissement

Les affranchis doivent le respect à leurs anciens maîtres, à leur veuve et aux enfants de celle-ci et l’injure éventuelle est punie plus sévèrement que s’il s’agit d’un fait commis par une autre personne. Cependant l’esclave affranchi n’est redevable envers son ancien maître d’aucune charge, d’aucun service. Il est cependant indiqué qu’il ne peut recevoir de son ancien maître aucune donation entre vifs ou suite à son décès - ce n’est qu’au dix neuvième siècle que la loi fait obligation aux maîtres d’assurer la survie de leurs anciens esclaves affranchis par l’attribution de quelque bien notamment d’une parcelle de terre.
Bien entendu l’affranchi ne peut exercer de fonction politique, et on a noté que les lois pénales qui leur sont appliquées sont autrement plus sévères que celles appliquées aux autres personnes libres : ils encourent comme les esclaves la peine de mort en cas de vol de gros bestiaux, risquent de redevenir esclaves s’ils aident des personnes de condition servile à se cacher ou à fuir leur maître.
Enfin, la bonne société coloniale est pleine de mépris à leur égard : tout comme vis-à-vis des libres de couleur, il leur est difficile d’inscrire leurs enfants dans les écoles et bien souvent ils n’en ont pas les moyens financiers.

Quelques affranchis célèbres :

Pour mémoire, on se rappellera qu’Edmond Albius n’a été affranchi qu’en septembre 1848, à quelques semaines de l’arrivée à la Réunion de Sarda Garriga venu pour faire appliquer le décret d’abolition de l’esclavage. On évoquera également, Jean-Baptiste Lislet Geoffroy, scientifique, fils de Niama princesse guinéenne réduite en esclavage, l’écrivain Auguste Lacaussade et la chansonnière Célimène "fort laide et non vilaine" qui se disait fille naturelle d’Evariste de Parny.

G.Gauvin

Lavé in foi... Lo kod noir (7ème partie)

Dann dèrnié morso lo kod noir, i parl dési la késtion l’afranshisman bann zésklav. Ni pé domann anou akoz bann moun la fé lo kod-la, la désid mète ann dan in tik-tak konm l’afranshisman k’i fé k’in zésklav i pé gingn son libèrté, dizon in domi-libèrté. In pé i di konmsa, sa in manièr fé pou k’bann zésklav i révolt pa, mèm zot lé konplis ansanm bann mètr kan in pé zésklav i rod pou vanjé. so tik-tak lé fé pou donn léspoir bann zésklav trouv z’ot libèrté. nana d’ot rézon solman sa lé pa marké dann kod : konm afranshi in zésklav akoz li lé tro vié, sansa tro malad pou li gingn travay. Si li lé lib, na pi arien pou fé pou li, mèm pa in boukan pou li dormi, mèm pa in boushé manzé kan son léstoma i grouy. Konm, done la libèrté in fanm zésklav kan ou la fé zanfan sanm èl, sirtou k’lé défandi par la loi bann zésklavazis : sa i pé apèl, z’afèr lo kèr.

VIII- L’afranshisman bann zésklav

Lartik 55/1685 épi 50/1723 i donn bann mètr la kapasité pou rann z’ot libèrté bann z’ésklav, donkalor pou afranshi azot. Lé dé kod la pa égzaktoman parèy : dann kod 1685, in mètr i pé fé sa si li nana vintan, mèm si li lé ankor minèr épi li la pa bézoin di pou kossa li la pran son désizion, li la poin d’kont pou rann pèrsone. Dann kod 1723, in mètr i pé donn son libèrté in zésklav si li nana vinn-sink an, pou in rézon k’i vo la pèn. In rézon léjitime. Sé lo konsèy sipérièr la koloni k’i désid si lo rézon, sé in bon rézon épi li pran son désizion : pou évite in mètr i pèrmète son zésklav ashté son libèrté avèk lo bann ti-boulo la lèss ali fé, sansa avèk d’ot kalité téknik moin katolik pou gingn larzan. Si lo mètr i afranshi son zésklav san an avoir in désizion lo konsèy sipérièr, lo zésklav lé pa lib ditou ; kontrèr li lé zésklav mèm épi li lé riskab ète konfiské pou anvoy ali travay dann l’opital, ou sansa dann l’atlié la koloni.

In rézon léjitime pou in l’afranshisman

Ni sort oir, pou lo kod 1723, i fo in rézon léjitime pou afranshi in z’ésklav, solman lo kod li-mèm i donn in bon rézon : si in mètr, déssi son li d’mor sansa in pé avan, la donn in zésklav pran lo soin son bann zanfan, lo zésklav lé afranshi par la loi. Dann kod 1685 lavé d’ot rézon : si in zésklav i partaz lo bien son mètr rant lo bann zanfan, sansa si li okip lo bien apré son mètr lé mor solon in téstaman lo mètr la signé, sa i apèl ète "légataire universel".

Lo bann konsékans l’afranshisman

Bann z’afranshi i doi réspèk lo mètr li lavé avan. Li doi réspèk ossi son madam, sansa son vèv épi z’ot bann zanfan. Si li la fé in n’afèr konmsa, li lé riskab gingn in pinision pli sévèr k’si in n’ot moun noré fé sa. Solman, l’afranshi i doi pa arien son mètr li l’avé avan : sète-la la poin po d’mann ali in sèrvis konm in l’obligasion, dizon in travay san péyé,épi i fo pa lo lansien mètr i kroi li lé in pé propriétèr lo bien son lansien zésklav. Solman lo mètr la poin lo droi donn son l’ansien zésklav in kékshoz konm in bout la tèr, in zoutiy, in zanim. Arienk dann diznévièm sièk, la loi la obliz lo mètr donn in kékshoz son zésklav pou li pa mor d’faim konm in bout la tèr, sansa in n’ot zafèr pou gingn son soso.
In zésklav afranshi i pé pa an avoir in fonksion dan la politik épi bann loi pénal lé sévèr pou zot : konm bann zésklav, zot lé riskab gingn la pène de mor, si zot i vol gro-gro zanimo. Si zot i ède in zésklav la parti maron, si zot i done in plas pouli kashète, zot i pé pèrd z’ot libèrté azot mèm, arvnir zésklav.
Azout avèk sa, la sosiété kolonial la poin la konsidérasion pou zot, konm zot la poin la konsidérasion pou bann lib koulèr. Souvan dé foi, zot i gingn pa anvoy z’ot zanfan lékol épi si zot lé dan la vil, zot la poin moiyin frékant la mèm sosiété k’bann mètr.

Dé troi z’afranshi la lèss z’ot nom dann l’istoir nout péi

Pou fini, ni pé rapèl dé-troi nom d’moun bien konu konm Edmond Albius, la donn ali son libèrté dé-troi somène avan l’abolision pou toulmounmèm si li la invant la gondasion artifisièl la vaniy, Jean Baptiste Lislet Geoffroy, zanfan in prinsèss téi sort La Guinée épi té zésklav dann l’il de France(Maurice), Auguste Lacaussade in poèt sélèb, Célimène in moun téi fé fonnkèr épi demoun téi kroi son momon la fé ali avèk lo shovalié Evarite de Parny

G.Gauvin

Fin